वि.सं. २०७१।१।२५ को नेपाल सरकारको निर्णय अनुसार यो नगरपालिका स्थापना भएको हो । रूपन्देही जिल्ला सदरमुकाम भैरहवादेखी १८ कि.मी. मा अवस्थित यो नगरपालिकाका तिन वटा वडा दक्षिणी सिमा भारतसँग सिमा जोडिएका छन् । यस नगरपालिकाको केन्द्रमा शाक्यमुनि गौतम बुद्धको जन्मभूमी मायादेवी मन्दिर रहेको र  बौद्ध धर्मालम्बीको आस्थाको केन्द्र रहेको पावन स्थल रहेका कारण नगर क्षेत्रमा राष्ट्रिय अन्तर्राष्ट्रिय बौद्ध धर्मालम्बी एवं आन्तरिक एवम् वाह्य पर्यटकहरुको अत्याधिक आगमन हुने गरेको छ । यस नगरलाई पर्यटकीय नगरका रुपमा विकास गर्न सकिने प्रशस्त आधारहरु रहेका छन् ।